HATUPIMI BANDO

HATUPIMI BANDO

Jumanne, 12 Desemba 2017

BOHARI YA DAWA (MSD) MSHINDI WA PILI SEKTA ZA UMMA KATIKA TUZO YA MWAJIRI BORA 2017

 Mkurugenzi wa Rasilimali Watu na Utawala wa Bohari ya Dawa (MSD),  Victoria Elangwa (kulia), akipokea tuzo ya mshindi wa pili Sekta za Umma katika Tuzo ya Mwajiri Bora 2017 katika hafla iliyofanyika Ukumbi wa Mlimani City jijini Dar es Salaam jana.
 Wafanyakazi wa MSD wakiwa kwenye hafla hiyo.
 Waziri wa Sera, Bunge, Kazi, Vijana, Ajira na Walemavu Mhe.  Jenista Mhagama, akimkabidhi cheti cha ushiriki wa tuzo hizo  Mkurugenzi wa Rasilimali Watu na Utawala wa Bohari ya Dawa (MSD),  Victoria Elangwa. Kushoto ni Naibu Waziri wa Wizara hiyo, Anthony Mavunde.
Wafanyakazi wa MSD wakifurahia ushindi huo wakiwa na tuzo zao.

Na Dotto Mwaibale

BOHARI ya Dawa (MSD) imeibuka kidedea kwa kuwa mshindi wa  pili (2) kwa upande wa Sekta za Umma katika tuzo ya Mwajiri Bora mwaka 2017 zinazoandaliwa na Chama cha Waajiri nchini
( ATE).    

Akizungumza katika hafla ya utoaji tuzo hizo, Mgeni  rasmi Waziri wa Sera, Bunge, Kazi, Vijana, Ajira na Walemavu Mhe.  Jenista Mhagama amesema uanzishwaji wa vipengele vipya katika tuzo hizo unazipa fursa za kipekee taasisi za serikali kupata nafasi ya kushiriki na  kushinda.        

Mkurugenzi wa Rasilimali Watu na Utawala wa MSD,  Bi.Victoria Elangwa amesema tuzo hiyo ni matokeo ya maboresho ya  kiutendaji kwa MSD ambayo yanafanyika kulingana na Mpango Mkakati wa MSD wa mwaka 2017 -2020.

Ameongeza kuwa hatua hiyo ya MSD kupata tuzo ya Taasisi ya Umma inayofanya vizuri ni motisha kwa wafanyakazi na MSD kwa ujumla kufanya kazi kwa bidii zaidi.

MRADI MKUBWA WA KUSOMA BILA MWALIMU KWA KUTUMIA TABLETI WAZINDULIWA MUHEZA

Mradi wa majaribio wa miezi 15 wa watoto waliokosa shule, kujifunza wenyewe kwa kutumia teknolojia ya kisasa inayotumia tableti umezinduliwa mkoani Tanga. Mradi huo uliozinduliwa katika kijiji cha Zenith ya Kati, wilayani Muheza ni sehemu ya mradi mkubwa wa miaka mitano wa majaribio duniani chini ya Global Learning Xprize wenye lengo la kutatua matatizo ya kujifunza. Mradi huo hapa nchini unaendeshwa kwa pamoja na Shirika la Mpango wa Chakula la Umoja wa Mataifa (WFP), Shirika la Umoja wa Mataifa la Elimu, Sayansi na Utamaduni (UNESCO) na XPrize ambao wametoa tableti husika. Aidha kuwezekana kuwapo kwa mradi huo kumetokana pia na makubaliano kati ya serikali ya Tanzania kupitia Wizara yake ya elimu na TAMISEMI na mashirika. Katika utoaji elimu huo watoto wanaohusika ni wa miaka kuanzia 9 hadi 11 na watajifunza kwa kutumia program tano zilizowekwa katika tableti zitakazomuwezesha kujua kusoma, kuandika na kuhesabu.

Ofisa Elimu wa mkoa wa Tanga, Mayasa Hashimu akivishwa skafu na kukaribishwa katika hafla ya kukabidhi tableti kwa ajili ya mradi wa kutumia teknolojia kujifunza, kuandika kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Kushoto ni Mwakilishi wa Unesco ambaye pia anasimamia mradi wa Global Learning Xprize, Faith Shayo.

Mradi huo wa Tanga ambao utagusa watoto 2,400 kutoka katika vijiji 167 vya wilaya za Handeni, Korogwe, Lushoto, Muheza, Mkinga na Pangani unatoa changamoto kwa timu ya wabunifu kuwezesha watoto walio na fursa ndogo ya kuingia katika elimu darasani kujifunza stadi za msingi za kusoma, kuandika na kuhesabu (KKK) kwa kutumia tableti wakijifunza wenyewe. Akizungumza katika uzinduzi wa mradi huo katika kijiji cha Zenith, Muheza Mkoani Tanga, Mwakilishi wa Unesco ambaye pia anasimamia mradi huo Faith Shayo alisema kwamba mradi huo unaendana na majukumu ya Unesco ya kuhamasisha elimu jumuishi katika kuhakikisha kwamba watoto wote wa Tanzania wakiwemo wa jamii za pembezoni zilizo nyonge zinapata fursa. Alisema UNESCO inatekeleza majukumu yake kwa kuisaidia serikali ya Tanzania kuwezesha kutoa elimu bora kwa wananchi wake wote na hata wale ambao hawana uwezo wa kupata elimu kutokana na mazingira yao au maeneo yao.

Mwakilishi wa Unesco ambaye pia anasimamia mradi wa Global Learning Xprize, Faith Shayo akivishwa skafu na kukaribishwa katika hafla ya kukabidhi tableti kwa ajili ya mradi wa kutumia teknolojia kujifunza, kuandika kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Kulia ni Ofisa Elimu wa mkoa wa Tanga, Mayasa Hashimu.

 Alisema Unesco kwa kuangalia mahitaji imekuwa ikisaidia serikali ya Tanzania katika vitu mbalimbali vya kiufundi ili iweze kufanikisha lengo la kuwa na taifa la watu walioelimika hivyo kuwa na nafasi ya kushiriki katika kazi za kujenga uchumi. “Mradi huu unawapa watoto ambao hawakuwahi kujiunga na shule ya msingi, fursa nyingine” alisema Faith na kuongeza kwamba juhudi kubwa zinazofanywa na serikali ya Tanzania kwa kushirikiana na Umoja wa Mataifa utaimarisha viwango vya weledi nchini. Faith anasema kwamba kwa sasa japo upo kwenye majaribio utakapofanikiwa utaweza kufanyiwa kazi maeneo mengine ya Tanzania. Aidha Mwakilishi wa WFP mkoa wa Tanga ambaye ndiye anayesimamia utekelezaji wa programu hiyo, Xavery Njovu alisema kwamba watoto hao wataangaliwa kwa namna ambavyo wanaelewa kila wiki, wanapoenda kuchaji tableti zao. Ofisa Elimu wa mkoa wa Tanga, Mayasa Hashimu na Mwakilishi wa Unesco ambaye pia anasimamia mradi wa Global Learning Xprize, Faith Shayo wakiwasili katika hafla ya kukabidhi tableti kwa ajili ya mradi wa kutumia teknolojia kujifunza, kuandika kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP.


 “wakati wa kuchaji pia tunaangalia matumizi ya tableti na ufaulu wa mtoto katika kumaliza porogramu utaonekana na kama ikionekana hasongi mbele itaangaliwa kasoro” alisema Njovu. Alisema kuna vijana 10 wanaojua Tehama na wamefundishwa kusaidia wanafunzi hao katika kuhakikisha kwamba tableti hazikwami au kuharibika. Watu hao wanaoishi vijijini hukohuko pamoja na kulipwa mishahara wamepewa pikipiki mpya aina ya Yamaha kwa lengo la kuhakikisha wanafika kila kata yenye wahusika na kuzungumza nao. Pamoja na tableti hizo pia kumefungwa sola za kuchajia na seva ya kuangalia mwenendo wa watumiaji wa tableti. Kabla ya kuzinduliwa kwa mradi huo watu 282 walifunza namna ya kuhudumia vijana hao ambao wanashiriki katika program. Mwenyekiti wa kijiji cha Zeneth wilayani Muheza, mkoani Tanga, Juma Killo akitoa salamu kwa XPrize, UNESCO, WFP na wageni waalikwa katika hafla hiyo. Wa pili kulia ni Mwakilishi wa Unesco ambaye pia anasimamia mradi wa Global Learning Xprize, Faith Shayo, Afisa Miradi wa UNESCO, Nadia Marques (wa tatu kushoto), Ofisa Elimu wa wilaya ya Pangani, Mbwana Mohamed (wa tatu kulia), Kaimu Ofisa Elimu Lushoto, Beatus Kipfumo (wa pili kulia) na Mwakilishi wa WFP mkoa wa Tanga, Xavery Njovu (kulia).

 Katika mafunzo hayo wasimamizi hao ambao wanajulikana kama mama au baba vitongoji walifunza malengo ya mradi na namna ya kuangalia mwenendo wa watoto na mradi wenyewe. Mgeni rasmi katika ukabidhiaji wa tableti, Ofisa Elimu wa mkoa wa Tanga, Mayasa Hashimu aliwataka wazazi kuhakikisha kwamba tableti hizo zinatumiwa na watoto kwa makusudi yaliyopangwa ili kuwa na taifa la watoto wenye weledi mkubwa. Alisema tableti hizo maalumu ni msaada mkubwa kwa wananchi na serikali hivyo hawana budi kuzitunza na kuzitumia kwa makusudio husika. “teknolojia hii inayowezesha watoto kujifunza kusoma, kuandika na kuhesabu pasipo msaada wa mwalimu ni ubunifu wa kiwango cha juu kabisa” alisema Mayasa na kuongeza kwamba hali hiyo itabadili kabisa fikra za utoaji elimu na kuwakomboa watoto walio nje ya mfumo rasmi wa elimu. Mgeni rasmi Ofisa Elimu wa mkoa wa Tanga, Mayasa Hashimu (kushoto) akitoa hotuba wakati wa hafla ya kukabidhi tableti kwa ajili ya mradi wa kutumia teknolojia kujifunza, kuandika kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Kutoka kushoto ni Mwenyekiti wa kijiji cha Zeneth wilayani Muheza mkoani Tanga, Juma Killo, Mchumi katika ofisi ya Mkurugenzi wa Halmashauri ya Muheza, Nelson Mwanuna pamoja na Mwakilishi wa Unesco ambaye pia anasimamia mradi wa Global Learning Xprize, Faith Shayo.

Aliwataka wazazi kuunga mkono jitihada za serikali kupitia kauli mbiu ya ‘Hapa Kazi Tu’ kwa kusaidia kujenga taifa lenye uelewa mkubwa kupitia chanzo cha sasa cha maarifa pasipo msaada wa mwalimu darasani. Alisema msaada huo ni pamoja na kutunza vifaa vyote vya mradi na kutumiwa na wahusika bila kukosa. Aidha alishukuru Shirika la UNESCO, XPRIZE na WFP kwa kuonesha njia na kusema kwamba mkoa utafanya kila linalowezekana kuona mradi huo wa majaribio unafanikiwa. Katika makadihiano hayo watoto zaidi ya 10 walipewa tableti kwa niaba ya wenzao ambao wanashiriki katika mradi. Mmoja wa wazazi wa watoto waliokabidhiwa tableti aliyejitambulisha kwa jina la Musa Ramadhani alisema amefurahishwa sana na mpango huo na kuahidi kuhakikisha kwamba anatunza kifaa hicho ili mtoto wake afaidike nacho. Mwakilishi wa Unesco ambaye pia anasimamia mradi wa Global Learning Xprize, Faith Shayo akitoa salamu za UNESCO katika hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP.


  “Mtoto wangu mimi anaitwa Amir Musa na ana miaka 9; hapa tulipo ni ndani sana kupatiwa kifaa hicho kitatusaidia sisi maskini tuliosahaulika kuwa katika utaratibu tena wa weledi” alisema. Aidha alisema kwamba dhamana ya utunzaji inamuangukia yeye kwa kuwa anaamini ni kazi yake kuhakikisha kwamba mtoto wake anapata mafanikio kutokana na mradi huo. Naye mama Kitongoji Hilda Hule alisema kwamba ana uhakika kwamba watoto hao watapata maarifa na kujua kusoma kwa kasi zaidi kwa kuwa hatua za mwanzo zilionesha hamu yao ya kutaka kujua. Anasema kwa upande wake yeye anawaangalia watu wa kitongoji cha Zeneth na anaamini kwamba kwa mradi huo watoto wengi watafunguka. Mmoja wa mateknisheni wa mradi huo ambao watasaidia uwapo wa tableti na program zake Francis Kibaja mwenye makazi yake Korogwe alisema kwamba mfumo huo wa kitabu cha kielektroniki kinamfanya mwanafunzi ajifunze na kujisahihisha na kama watamaliza programu mapema kutokana labda kwa urahisi watawapangia programu ngumu zaidi ili kuwakomaza. Mwakilishi wa WFP mkoa wa Tanga, ambaye ndiye anayesimamia utekelezaji wa programu hiyo, Xavery Njovu akitoa salamu za WFP katika hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP.

  Aidha alisema kwamba tableti hizo zinagemu kwa ajili ya mtoto akichoka na pia wakati wa mazoezi program itamwambie mtoto kama amekosea au amepatia. Programu zilizowekwa kwa sasa katika tableti hizo ambazo hazina uwezo wa simu ni sawa na mtu kuanza darasa la awali na kuingia shule ya msingi. Katika mradi huo WFP wamepewa dhamana ya kusimamia uendeshaji wa kitengo cha lojistiki na teknolojia ya habari na mawasiliano (Tehama-ICT) cha majaribio katika mazingira halisi. Mama Kitongoji wa kijiji cha Zeneth wilayani Muheza, Hilda Hule ambaye anajukumu la kuchaji na kutunza tableti hizo akitoa maelezo ya namna zinavyotumika kabla ya kukabidhiwa rasmi kwa watoto wa kijiji hicho.

 Aidha jukumu lake ni pamoja na kuingiza programu katika tableti, kuanzia vituo vya kuwekea umeme unaotokana na jua kwenye tableti hizo vijijini, kusimamia matengenezo, marekebisho na kutoa tableti mpya kipindi chote cha majaribio. Uzinduzi huo ulipambwa na mambo mbalimbali ukiwemo muziki wa asili ambapo kikundi cha JAHAZI ASILI zilitumbuiza kwa ngoma za asili za wakazi wa Tanga na pia muziki wa singeli. Ofisa wa Xprize naye alitumbukia katika burudani za singeli na kuwa burudani kubwa kwa watu ambao walienda naye sambamba na kama yeye alivyokuwa akienda sambamba na wenyeji katika zungusha. Mwakilishi wa WFP mkoa wa Tanga, ambaye ndiye anayesimamia utekelezaji wa programu hiyo, Xavery Njovu akionyesha waandishi wa habari (hawapo pichani) jinsi programu mbalimbali za kujifunzia zinavyofanya kazi kwenye tableti hizo. Ofisa Elimu wa mkoa wa Tanga, Mayasa Hashimu akisisitiza umuhimu wa wazazi (hawapo pichani) kushiriki katika utunzaji wa tableti hizo kabla ya kuzigawa rasmi. Kushoto ni Mwakilishi wa Unesco ambaye pia anasimamia mradi wa Global Learning Xprize, Faith Shayo. Ofisa Elimu wa mkoa wa Tanga, Mayasa Hashimu (wa pili kulia) akisalimiana na mtoto Saidi Hausi wa kijiji cha Zeneth wakati wa zoezi la kukabidhi tableti hizo. Kulia ni Mama Kitongoji Hilda Hule mwenye jukumu la kutunza na kuchaji tableti hizo kwa umeme wa sola na Wa kwanza kushoto ni Mwakilishi wa WFP mkoa wa Tanga, ambaye ndiye anayesimamia utekelezaji wa programu hiyo, Xavery Njovu na Mwakilishi wa Unesco ambaye pia anasimamia mradi wa Global Learning Xprize, Faith Shayo Mama Kitongoji wa kijiji cha Zeneth wilayani Muheza, Hilda Hule (kulia) akikabidhi tableti kwa mtoto Saidi Hausi huku Ofisa Elimu wa mkoa wa Tanga, Mayasa Hashimu (wa pili kulia), Mwakilishi wa Unesco ambaye pia anasimamia mradi wa Global Learning Xprize, Faith Shayo (wa pili kushoto) na Mwakilishi wa WFP mkoa wa Tanga, ambaye ndiye anayesimamia utekelezaji wa programu hiyo, Xavery Njovu (kushoto) wakishuhudia tukio hilo wakati wa hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Ofisa Elimu wa mkoa wa Tanga, Mayasa Hashimu (wa pili kulia) akisalimiana na mtoto Juma Saidi wa kijiji cha Zeneth wakati wa zoezi la kukabidhi tableti hizo. Wanaoshuhudia tukio hilo ni kulia ni Mama Kitongoji Hilda Hule mwenye jukumu la kutunza na kuchaji tableti hizo kwa kutumia umeme wa sola, Mwakilishi wa WFP mkoa wa Tanga, ambaye ndiye anayesimamia utekelezaji wa programu hiyo, Xavery Njovu (wa kwanza kushoto), Mwakilishi wa Unesco ambaye pia anasimamia mradi wa Global Learning Xprize, Faith Shayo (wa pili kushoto). Tala Loubieh wa WFP akitoa maelekezo ya jinsi ya kutumia programu ya kujifunza, kuandika kusoma na kuhesabu kwa mtoto Gabu Lakiki mara baada ya kukabidhiwa rasmi tableti hizo kwenye hafla hiyo. Mkurugenzi Mwandamizi wa Uendeshaji kutoka Taasisi ya XPRIZE, Matt Keller akiwapongeza baadhi ya watoto wa kijiji cha Zenith ya Kati, wilayani Muheza, mkoani Tanga waliokabidhiwa tableti hizo Baadhi ya wafanyakazi wa WFP wanaotoa msaada wa Tehama kwenye tableti hizo kwa watoto wa kijiji cha Zeneth pamoja wanakijiji wakifurahi jambo katika katika hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Baadhi wazazi/walezi wa watoto wa kijiji cha Zeneth wilayani Muheza wakifuatilia matukio mbalimbali kwenye hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Kikundi cha ngoma cha Jahazi Asilia cha wilayani Muheza wakitoa burudani katika hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Makomandoo wa Skauti wakionyesha umahiri wao wakati wa kusherehesha hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Mkurugenzi Mwandamizi wa Uendeshaji kutoka Taasisi ya XPRIZE, Matt Keller akijumuika na watoto wa kijiji cha Zeneth kucheza SINGELI wakati wa hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Mkurugenzi Mwandamizi wa Uendeshaji kutoka Taasisi ya XPRIZE, Matt Keller aliponogewa na SINGELI katika hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Mgeni rasmi na meza kuu katika picha ya pamoja na baadhi ya watoto waliowakilisha wenzao kwenye hafla ya kukabidhi tableti kwa ajili ya mradi wa kutumia teknolojia kujifunza kuandika, kusoma na kuhesabu uliozinduliwa Muheza jana. Mradi huo wa majaribio unafadhiliwa na Global Learning Xprize kwa kupitia UNESCO na WFP. Mkurugenzi Mwandamizi wa Uendeshaji kutoka Taasisi ya XPRIZE ambao ndio wafadhili wakuu, Matt Keller akiwa kwenye picha ya pamoja na Wataalamu wa Tehama walioajiriwa na mradi kwa ajili ya kuhakikisha kwamba tableti na mifumo yote ya kusomea zinafanya kazi inavyopaswa katika mkoa wa Tanga na vitongoji vyake. Wafanyakazi wa WFP wakiwa kwenye picha ya pamoja na wataalamu wa Tehama walioajiriwa na mradi kwa ajili ya kuhakikisha kwamba tableti na mifumo yote ya kusomea zinafanya kazi inavyopaswa katika mkoa wa Tanga na vitongoji vyake.

MAGAZETI LEO 12 DISEMBA 2017


Jumamosi, 9 Desemba 2017

JPM AWAACHIA HURU WAFUNGWA 8157 WAKIWEMO NGUZA VIKING NA MWANAE JOHNSON NGUZA MAARUFU PAPPY KOCHA

KATIKA hotuba yake ya kuadhimisha miaka 56 ya Uhuru, Rais wa Jamhuri ya Muungano wa Tanzania Dr John Pombe Magufuli, leo ameamua kuwasamehe  wafungwa  8,157, kati ya hao wafungwa 1828 watatoka leo na waliobaki watapunguziwa adhabu zao kadri ya makosa yao. Katika hotuba yake Rais alisema Tanzania kuna wafungwa 39,000, kati ya hao 37,000 ni wanaume waliobaki ni wanawake. Rais alieleza kuwa wafungwa waliokwisha hukumiwa kunyongwa wako 522, kati yao tu 19 ni wanawake. Wafungwa waliohukumiwa kifungo cha maisha ni 666, wanawake wako 11. Rais ametumia madaraka aliyopewa kusamehe wafungwa 61 waliokuwa wamehukumiwa kifo. Rais alisema waliosamehewa ni wale waliokaa muda mrefu na wanaonekana wamejutia makosa yao na si wale waliokuwa majambazi au waliouwa wenye ualbino. Katika msamaha huo pia Rais aliwasamehe wanamuziki Nguza Viking na mwanae Johnson Papy Kocha.

MAGAZETI YA LEO DISEMBA 9, 2017



Alhamisi, 7 Desemba 2017

SERIKALI KUTATUA CHANGAMOTO ZA KODI ZINAZOIKABILI SEKTA BINAFSI

Benny Mwaipaja, Dodoma
WAZIRI wa Fedha na Mipango Dkt. Philip Mpango amewaahidi wafanyabiashara na wawekezaji nchini kwamba serikali italifanyiakazi suala la kodi katika Bajeti ijayo ya mwaka 2018/2019 ili kuboresha zaidi  mazingira ya uwekezaji na biashara kupitia sekta binafsi.
Dokta Mpango ameyasema hayo mjini Dodoma katika mkutano wa tatu kati ya Serikali na Sekta binafsi ambapo masuala mbalimbali yanayohusu kodi yamejadiliwa ikiwa ni mwendelezo wa Serikali kutaka kuiimarisha Sekta hiyo ili iweze kuchangia ukuaji wa uchumi wa Taifa.
Alisema kuwa Serikali imedhamiria kupunguza ama kuondoa kabisa kero zinazoikabili sekta binafsi ikiwemo malalamiko ya muda mrefu ya utitiri wa kodi ili sekta hiyo iweze kuwa na nguvu na kushiriki kikamilifu katika kujenga uchumi wa viwanda utakaokuza pato la taifa na ajira nchini.
Alisema Serikali inatambua kwamba sekta binafsi ndiyo nguzo ya ukuaji wa uchumi wa Taifa ndio maana inajitahidi kupata maoni ya wadau kuhusu namna ya kuboresha mazingira yao ya ufanyaji biashara na uwekezaji nchini ili kuharakisha maendeleo ya nchi.
“Ni lazima dukuduku za sekta binafsi tuzisikilize, tuzitafakari na kuzifanyia kazi ili uchumi uweze kwenda kwa kasi zaidi tuwaondoe wananchi wetu kwenye umasikini na vijana wetu wapate kazi’ Alisema Dkt. Mpango.
Alisema wakati wa kuandaa bajeti yam waka 2018/2019, serikali itaweka mfumo wa kodi utaoiwezesha Sekta Binafsi kukua na kuimarika zaidi ili iweze kuchangia ukuaji wa uchumi wa nchi na kuboresha maisha ya watanzania kwa ujumla.
“Katika mjadala huu  nimefurahia kusikia maoni ya sekta binafsi ambapo pamoja na kupendekeza maeneo ya kupunguza kodi, lakini pia wamezungumzia namna ya kuongeza wigo wa kuongeza mapato ya Serikali” Aliongeza Dkt. Mpango.
Hata hivyo, Dkt. Mpango, alitahadharisha jumuiya ya wawekezaji na wafanyabiashara nchini kwamba wanapojadili juu ya masuala ya kodi, wakumbuke kwamba Serikali ina mzigo mkubwa wa kuhudumia jamii katika masuala mbalimbali ikiwemo elimu, maji, afya, barabara, miundombinu ya usafiri na usafirishaji ikiwemo reli na mingine mingi.
Alitolea mfano uzalishaji wa maji katika miji mikuu ya Wilaya na miji midogo ni lita milioni 99.5 kwa siku wakati mahitaji ni lita milioni 273 kwa siku, sawa na 36.4%.

“Miradi ya maji ya Kitaifa uzalishaji ni lita milioni 59.5 ikilinganishwa na mahitaji ya lita 119 kwa siku, sawa na 50% ya mahitaji” Alisisitiza Dkt. Mpango

Alibainisha kuwa vifo vitokanavyo na uzazi ni 556 katika kila vizazi hai 100,000 wakati lengo ni kuvipunguza visizidi vifo 265 katika kila vizazi hai 100,000 itakapofika mwaka 2020.

Aidha Dkt. Mpango alisema kuwa huduma za msingi zinazotolewa na Serikali hususan, ulinzi wa nchi, usalama wa raia, na mali zao, utawala, usimamizi wa rasimali za nchi, na ujenzi wa miundombinu ya msingi isiyo na mvuto kwa sekta binafsi,  lazima ziendelee kugharamiwa na Serikali.

Dkt. Mpango alielezea pia namna misaada na mikopo kutoka kwa wadau wa maendeleo inavyopungua mwaka hadi mwaka ambapo alisema mikopo yenye masharti nafuu ilishuka kutoka shilingi trilioni 1.3 mwaka 2013/14 hadi shilingi bilioni 495 mwaka 2015/2016

Alifafanua kuwa misaada kutoka kwa washirika hao wa maendeleo imeshuka kutoka shilingi trilioni 1.5 kwa mwaka 2013/2014 hadi sh. Trilioni 1.23 mwaka 2015/2016.

Vilevile alieleza kuwa kiwango cha ulipaji kodi kwa hiari miongoni mwa wafanyabiashara na wawekezaji bado hakiridhishi na ukwepaji kodi/uvujaji wa mapato ya Serikali bado ni matatizo sugu hivyo kuitaka Sekta Binafsi iyatupie macho mambo hayo wakati wakijadili na kushauri namna Serikali inavyoweza kuboresha kodi ili mambo hayo ya msingi ya kuihudumia jamii yasikwame

Wakizungumza kwa niaba ya Sekta Binafsi, Mwenyekiti wa Shirikisho la wenye viwanda hapa nchini Dokta Samuel Nyantahe na mmoja wa wafanyabiashara Bw. Boaz Ogola, wameishukuru Serikali ya awamu ya tano kwa nia yake ya dhati ya kuboresha mazingira ya uwekezaji na ufanyaji biashara hapa nchini na kwamba wako tayari kushirikiana nayo ili kutimiza azma yake ya kufikia uchumi wa kati ifikapo mwaka 2025 kwa kuwa wameiona nia njema ya Serikali ya kufikia hatua hiyo
Mkutano huo wa siku moja umewakutanisha wafanyabiashara na wawekezaji kutoka ndani na nje ya nchi huku agenda kuu ya mkutano huo ilikuwa kujadili kwa undani masuala mbalimbali ya kodi ambapo Sekta binafsi imependekeza mambo kadhaa ambayo Serikali imeahidi kuyafanyia kazi.
Kamishna Mkuu wa TRA Bw. Charles Kichere, akijibu baadhi ya hoja zilizowasilishwa na Sekta Binafsi wakati wa mkutano kati ya Serikali na Sekta hiyo, uliofanyika katika ukumbi wa Wizara ya Fedha na Mipango mjini Dodoma

Ecobank yawezesha upatikanaji wa maji safi na salama shule ya Dar

  • Ecobank Tanzania yasaidia kupatikana kwa maji safi kwa Shule ya Hananasif
Ecobank Tanzania Ltd imesaidia uwekaji wa miundombinu bora pamoja na tanki maalum ili kurahisisha usambazaji pamoja na upatikanaji wa huduma ya maji safi na salama katika vyoo na maeneo yenye uhitaji wa maji kwa  wanafunzi na waalimu wote wa shule ya Msingi ya Hananasif iliyopo katika wilaya ya Kinondoni jijini Dar es Salaam katika  kuadhimisha siku ya Ecobank ambayo hufanyika kila mwaka katika nchi 33 barani  Afrika ambapo Ecobank inafanya biashara.
Msaada huo wa Ecobank Tanzania kusaidia shule hiyo kupata maji safi umetolewa leo ikiwa njia moja wapo ya kuadhimisha   kauli mbiu ya mwaka  huu ya siku ya Ecobank inayosema   ‘Maji Salama, Ishi na Afya njema’ Safe Water, Healthy Living’
Mbali na Ecobaank kutoa  msaada huo, wafanyakazi wa Ecobank Tanzania pia wamejumuika kwenye kufanya usafi wa mazingira shuleni hapo kwa kuzibua mitaro ya maji taka yote pamoja na kuweka dawa kwenye kisima cha maji shuleni hapo ili kuhakikisha wanafunzi wanapata maji safi na salama.
Kwa upande wa elimu, Ecobank pia  imetoa vitabu kwa wanafunzi wa  shule hiyo pamoja na kutoa tuzo na zawadi mbalimbali kwa wanafunzi  waliofanya vizuri zaidi kwenye mitihani yao kuanzia darasa la kwanza hadi la sita.
Akizungumza na waandishi wa habari baada ya kutoa msaada huo, Mkurugenzi Mtendaji wa Ecobank Tanzania Bi Mwanahiba Mzee alisema benki hiyo imekuwa ikiadhimisha siku ya Ecobank kwa kutoa sehemu ya faida wanayopata kwa Jamii inayowazunguka.
 “Tuliguswa sana baada ya kupewa taarifa kuwa shule ya Hananasif ina jumla ya wanafunzi 728 lakini miundombinu ya maji imeziba na kubakia na sehemu moja tu  ambayo inatumiwa na shule nzima. Vyoo havina maji na hivyo imekuwa ni changamoto ya kiafya kwa wanafunzi, walimu na watu wengine kwenye shule hii, tukaona ni vyema kuja kusaidia ” alieleza Mwanahiba Mzee
Bi Mzee, alisema kutokana na Benki yake kutoa msaada huo, pamoja na vitabu vya kiada, motisha yaa zawadi kwa wanafunzi  itasaidia kutoa hamasa kwa wanafunzi kuendelea kuongeza bidii kwenye masomo yao zaidi
 “Ecobank Tanzania inatambua umuhimu wa kuwa na miundombinu bora pamoja na kuboresha elimu ikiwa ni dhamira yetu katika kuunga mkono juhudi za serikali za kuinua kiwango cha elimu hapa nchini, aliongeza Bi Mwanahiba Mzee .
Kwa upande wake, Mwalimu Mkuu wa shule ya msingi Hananasif Mwalimu Idda Uisso Alitoa shukrani kwa juhudi za Ecobank Tanzania kwa kuhakikisha shule hiyo inapata maji salama. “Nachukua hii fursa kuwapongeza uongozi wa Ecobank Tanzania kuchagua kuja shule ya Hananasif kwani hapa kuna shule zingine nyingi.
Alisema changamoto kubwa ilikuwa ni maji kwani kwa Idadi kubwa ya wanafunzi walionao maji safi na salama ni muhimu. “Kwa msaada wa mamboresho ya miundombinu yote mliyofanya, kwa sasa tuna uhakika wa maji safi na salama kwa waalimu pamoja na wanafunzi” alisema.
Vile vile alitoa shukrani za dhati kwa msaada wa vitabu pamoja na zawadi kwa wanafunzi bora kwani kutaongeza hamasa kwa wanafunzi. “Sisi kama shule tumekuwa tukifanya vizuri kwenye mitihani ya kitaifa lakini kwa msaada wa vitabu na kuhamasisha wanafunzi, nina uhakika na ninawaahidi Ecobank tutaendelea kufanya vizuri zaidi”.
Ecobank sasa inafakisha miaka 8 hapa nchini Tanzania huku ikiwa na matawi ya kutoa huduma bora za kibenki katika mikoa ya Dar es Salaam, Mwanza na Arusha


 
Mkurugenzi Mtendaji wa Ecobank Tanzania Mwanahiba Mzee – kulia, akimkabidhi vitabu Mwalimu Mkuu wa Shule ya Msingi Hananasifu Idda Uisso iliyopo wilaya ya Kinondoni, Dar es Salaam. Ecobank Tanzania Ltd imesaidia uwekaji wa miundombinu bora pamoja na tanki maalum ili kurahisisha usambazaji pamoja na upatikanaji wa huduma ya maji safi na salama katika vyoo kwenye shule hiyo ikiwa ni maadhimisho ya siku ya Ecobank.


Mkurugenzi Mtendaji wa Ecobank Tanzania Mwanahiba Mzee akijaribu moja ya mifereji ya maji salama katika wa Shule ya Msingi Hananasifu iliyopo wilaya ya Kinondoni, Dar es Salaam. Ecobank Tanzania Ltd imesaidia uwekaji wa miundombinu bora pamoja na tanki maalum ili kurahisisha usambazaji pamoja na upatikanaji wa huduma ya maji safi na salama katika vyoo kwenye shule hiyo ikiwa ni maadhimisho ya siku ya Ecobank. Kushoto ni Mwalimu Mkuu wa shule hiyo Idda Uisso.


Mkurugenzi Mtendaji wa Ecobank Tanzania Mwanahiba Mzee akikata utepe kuashiria upatikanaji wa maji Shule ya Msingi Hananasifu iliyopo wilaya ya Kinondoni, Dar es Salaam. Ecobank Tanzania Ltd imesaidia uwekaji wa miundombinu bora pamoja na tanki maalum ili kurahisisha usambazaji pamoja na upatikanaji wa huduma ya maji safi na salama katika vyoo kwenye shule hiyo ikiwa ni maadhimisho ya siku ya Ecobank. Kushoto ni Mwalimu Mkuu wa shule hiyo Idda Uisso.


Mwalimu Mkuu wa shule ya Msingi ya Hananasifu Idda Uisso akimwonyesha Mkurugenzi Mtendaji wa Ecobank baadhi ya mifereji ambayo kwa sasa inatoa maji salama baadhi ya kufanyiwa ukarabati na benki hiyo.

Mmoja wa mfanyakazi wa Ecobank akinawa kuashiria kuanza kupatikana kwa maji salama baada benki hiyo kutengeneza miundombinu na kusafisha mifereji iliyokuwa imeziba katika shule ya Msingi ya Hananasifu iliyopo wilaya ya Kinondoni.


BaadhI ya wafanyakazi wa Ecobank wakifuatilia kwa umakini hotuba ya Mkurugenzi Mtendaji wa benki hiyo. Ecobank Tanzania Ltd imesaidia uwekaji wa miundombinu bora pamoja na tanki maalum ili kurahisisha usambazaji pamoja na upatikanaji wa huduma ya maji safi na salama katika vyoo kwenye shule ya Msingi Hananasifu, Kinondoni ikiwa ni maadhimisho ya siku ya Ecobank. Kushoto ni Mwalimu Mkuu wa shule hiyo Idda Uisso.

Diwani wa Kata ya Hananasifu akitoa neon la shukrani kwa uongozi wa Ecobank Tanzania. Ecobank Tanzania Ltd imesaidia uwekaji wa miundombinu bora pamoja na tanki maalum ili kurahisisha usambazaji pamoja na upatikanaji wa huduma ya maji safi na salama katika vyoo kwenye shule ya Msingi Hananasifu, Kinondoni ikiwa ni maadhimisho ya siku ya Ecobank. Kushoto ni Mwalimu Mkuu wa shule hiyo Idda Uisso.